PHP-ийн хоёр ноцтой эмзэг байдал дэлхийн вэбсайтуудад эрсдэл учруулж байна

2026 оны аравдугаар сарын 21-нд PHP программчлалын хэлний үндсэн системд хоёр ноцтой эмзэг байдал илэрч, дэлхийн олон сая вэбсайт болон серверийн аюулгүй байдалд эрсдэл үүсгэлээ.

Эдгээр эмзэг байдлыг CVE-2026-109618 болон CVE-2026-109619 гэсэн дугаараар бүртгэсэн бөгөөд нийлээд PHP2Shell гэж нэрлэгдэж байна.

Европын Комисс, ENISA, CERT-EU, Europol болон бусад кибер аюулгүй байдлын байгууллагууд байгууллагуудад яаралтай шинэчлэл хийхийг анхааруулсан байна.

1. Яг ямар аюул илэрсэн бэ?

PHP бол вэбсайтын сервер талд ажилладаг программчлалын хэл юм.

Жишээлбэл:

• WordPress

• Joomla

• Drupal

• Онлайн худалдааны систем

• Хэрэглэгчийн бүртгэл, нэвтрэх систем

• Захиалга, төлбөрийн систем

зэрэг олон төрлийн вэбсайт PHP ашигладаг.

Энэ удаагийн эмзэг байдал нь PHP-ийн үндсэн санах ойн удирдлага, хүсэлт боловсруулах ажиллагаатай холбоотой.

Нэгдүгээр эмзэг байдал: CVE-2026-109618

CVSS 9.2 / 10

Системийн санах ой хүрэлцэхгүй болсон үед PHP хүсэлтийг зогсоох явцдаа зарим дотоод өгөгдлийг буруу боловсруулах боломжтой байжээ.

Үүний улмаас халдагч тусгайлан бэлтгэсэн хүсэлт илгээж, серверийн санах ойг эвдэн, улмаар сервер дээр өөрийн кодыг ажиллуулах боломжтой.

Хоёрдугаар эмзэг байдал: CVE-2026-109619

CVSS 9.2 / 10

PHP өмнөх хүсэлтийн дараа ашигласан зарим дотоод санах ойн мэдээллээ бүрэн цэвэрлээгүй үлдээх тохиолдол илэрсэн.

Ингэснээр дараагийн хүсэлт боловсруулах үед өмнөх хүсэлтийн хүчингүй болсон мэдээллийг дахин ашиглах эрсдэлтэй.

Гэхдээ халдлага амжилттай болох эсэх нь серверийн тохиргоо, PHP-ийн хувилбар, ажиллуулах эрхийн хязгаарлалтаас хамаарна.

3. Дэлхийн хэмжээнд ямар нөлөө үзүүлсэн бэ?

Энэ эмзэг байдал ил болсны дараа олон улсын байгууллагууд болон вэбсайт эзэмшигчид яаралтай хамгаалалтын арга хэмжээ авч эхэлсэн.

• Европын хэд хэдэн улсын төрийн байгууллага, онлайн үйлчилгээний вэбсайтууд хамгаалалтын зорилгоор түр хугацаанд ажиллагаагаа зогсоосон.

• Япон, Финланд зэрэг улсын зарим байгууллага системээ шалгаж, шинэчлэл хийх шаардлагатай болсон.

• Cloudflare-ийн мэдээллээр эмзэг байдлыг ашиглах оролдлого хэдхэн цагийн дотор хэдэн мянгаас хэдэн саяд хүрсэн байна.

• АНУ-ын FBI байгууллага вэбсайт эзэмшигчдэд яаралтай анхааруулга гаргаж, шинэчлэл хийх боломжгүй бол эмзэг серверээ түр тусгаарлахыг зөвлөжээ.

4. Ямар PHP хувилбарууд эрсдэлтэй вэ?

PHP хөгжүүлэгчдийн баг 2026 оны 10 дугаар сарын 21-нд хамгаалалтын шинэчлэлт гаргасан.

Дээрх засварласан хувилбаруудаас өмнөх хувилбарууд эмзэг байдалд өртөх эрсдэлтэй.

PHP 8.1 болон түүнээс өмнөх хувилбарууд албан ёсны дэмжлэггүй болсон тул онцгой анхаарах шаардлагатай.

Иймд PHP ашигладаг вэбсайт эзэмшигчид серверийнхээ хувилбарыг нэн даруй шалгаж, хамгаалалтын шинэчлэлтийг цаг алдалгүй хийснээр болзошгүй кибер халдлагаас урьдчилан сэргийлэх шаардлагатай байна.

(Эх сурвалж: https://cert.europa.eu, https://www.ic3.gov, https://www.reuters.com)