Honda АНУ-д шинэ угсрах үйлдвэр барихыг судалж байна
Японы Honda Motor Co. АНУ-д шинэ автомашин угсрах үйлдвэр байгуулах боломжийг судалж эхэлжээ. Гэхдээ энэ нь одоогоор эцэслэн шийдэгдсэн хөрөнгө оруулалт биш, зөвхөн төлөвлөлт/судалгааны шатанд байна.
Гол зорилго нь Hybrid автомашин
Хамгийн сонирхолтой нь Honda шинэ үйлдвэрээ цахилгаан машин (EV)-д голчлон зориулах бус, hybrid буюу бензин + цахилгаан хөдөлгүүртэй автомашины үйлдвэрлэлийг нэмэгдүүлэхэд ашиглахыг зорьж байна.
Honda ойрын жилүүдэд Хойд Америкт SUV төрлийн hybrid загваруудын үйлдвэрлэлийг нэмэгдүүлэх төлөвтэй бөгөөд шинэ үйлдвэрийг ойролцоогоор 2030 он орчимд ажиллуулах хувилбарыг судалж байна.
Яагаад АНУ-д шинэ үйлдвэр хэрэгтэй болсон бэ?
Үүнд хэд хэдэн шалтгаан байна.
1. АНУ-ын зах зээлд hybrid эрэлт өндөр
EV-ийн борлуулалт зарим зах зээлд хүлээлтээс удаан өсөж байгаа тул Honda EV-ийн хөрөнгө оруулалтын төлөвлөгөөгөө дахин харж, hybrid-ийг завсрын болон гол стратеги болгон ашиглаж байна.
2.Импортын тарифын эрсдэл
АНУ–Канад–Мексикийн худалдааны гэрээ болох USMCA-ийн ирээдүй тодорхой бус байна. Honda-ийн удирдлагууд худалдааны тохиролцоо хангалттай баталгаатай биш бол шинэ үйлдвэрийн шийдвэрт өөрчлөлт орж болохыг анхааруулсан.
3."Америкт зардаг машинаа Америкт үйлдвэрлэх"
Honda одоогоор АНУ-д хэд хэдэн үйлдвэртэй бөгөөд компанийн мэдээллээр 2025 онд АНУ-д борлуулсан Honda/Acura автомашины 60%-иас илүү нь АНУ-д үйлдвэрлэгдсэн байна. Шинэ үйлдвэр нь энэ локал үйлдвэрлэлийн хэмжээг цааш нэмэгдүүлэх боломжтой.
(Эх сурвалж https://www.reuters.com, https://www.honda.com)
