Toyota үйлдвэрт хүнтэй хамт ажиллах humanoid robot сургаж байна
Toyota ажилтнуудаа humanoid robot-уудыг сургах ажилд оролцуулж эхэлсэн байна.
Зорилго нь роботыг үйлдвэрт хүнтэй зэрэгцэн ажиллах чадвартай болгох. Зарим шинэ робот бүр хүнтэй мөргөлдөхөөс зайлсхийхийн тулд зогсох, суух, хөдөлгөөнөө өөрчлөх чадвартай болж байна.
Toyota-д яг ямар робот ажиллаж байгаа вэ? Роботын нэр нь Digit, үйлдвэрлэгч нь Agility Robotics. Toyota Motor Manufacturing Canada нь 2026 оны 2-р сард Digit-ийг үйлдвэрт ашиглах Robots-as-a-Service (RaaS) гэрээ байгуулсан. Нийт 7 робот төлөвлөсөн бөгөөд эхний шатанд 3 робот байрлуулах байдлаар эхэлсэн.
Тэгээд Digit юу хийдэг вэ?
Одоогоор “машин угсраад дуусгаж байна” гэсэн үг биш. Харин маш олон удаа давтагддаг, хүний биед ачаалалтай материал зөөх ажил хийж байна.
Жишээ нь: Автомат тэрэг → эд ангийн хайрцаг → Digit → үйлдвэрлэлийн шугам
Digit нь автомашины эд ангийн сав, хайрцгийг авч зөөж, үйлдвэрлэлийн шугамд хүргэх зэрэг ажлыг хийдэг. Toyota-ийн RAV4 үйлдвэрлэдэг үйлдвэрт туршиж байгаа.
Харин “хүн роботод ажил заана” гэдэг нь бүр сонирхолтой Toyota Research Institute-ийн зорилго нь Робот бүрийг инженерүүд код бичиж нэг нэг үйлдлээр нь програмчлах шаардлагагүй болгох.
Жишээ нь одоо роботод "Энэ хайрцгийг эндээс аваад тэнд тавь." гэж нэг тодорхой үйлдэл зааж өгдөг. Харин ирээдүйд Toyota-ийн санаа нь "Энэ ажлыг хийж сур."гээд хүн роботод үзүүлж, робот өөрөө хөдөлгөөн болон орчны нөхцөлийг ойлгож сурах.
Toyota Research Institute үүнийг Large Behavior Model (LBM) буюу роботын “зан үйлийн том загвар” гэсэн чиглэлээр хөгжүүлж байна.
(Эх сурвалж https://arstechnica.com)
