Хятадад AI робот хүртэл “сургуулиа төгсөж” эхэллээ
Хятадад AI роботуудад зориулсан сургалтын хөтөлбөрийн анхны төгсөлт болж, 4 робот бодит ажлын байранд гарахаар болсон байна. Үйлдвэрийн хяналт шалгалт зэрэг ажилд ашиглахаар төлөвлөжээ.
Хятад улс Embodied AI буюу бодит ертөнцөд физик үйлдэл хийдэг AI-г үйлдвэрлэлд оруулах томоохон хөтөлбөр хэрэгжүүлж байна.
2026 оны зорилтын хүрээнд Хятад улс 10,000 humanoid robot-ыг арилжааны хэрэглээнд оруулж, 100 гаруй өндөр үнэ цэнтэй хэрэглээний нөхцөл бий болгох зорилт дэвшүүлсэн байна. Үүнд үйлдвэр, хяналт шалгалт, засвар үйлчилгээ, агуулах-логистик, эмнэлэг, онцгой байдал зэрэг багтаж байна.
“4 робот ажилд орлоо” гэдгээс илүү “роботыг сургах → шалгах → сертификатжуулах → ажилд байрлуулах → бодит ажлаас дахин суралцах” гэсэн бүхэл бүтэн роботын хөдөлмөрийн экосистем бий болж эхэлж байгаа нь хамгийн сонирхолтой.
9-р сарын 17-ны төгсөлтийн арга хэмжээнд роботууд тайзан дээр гарч ажлын ур чадвараа үзүүлж төгсөлтийн шалгалт хүртэл өгсөн байна.
Жишээ нь хөтөч роботууд:
өөрийгөө танилцуулсан
хүмүүст тайлбар хийсэн
асуултад хариулсан.
Харин үйлдвэрийн хяналтын робот 30 секундын үзүүлбэр хийж, inspection буюу хяналтын чадвараа үзүүлсэн байна.
Бүр робот бүрт давтагдашгүй код олгожээ. Энэ кодоор тухайн роботын сургалтын мэдээлэл, шалгалтын дүн, ур чадварын түвшин, ажлын байр зэргийг холбож, цаашдын “ажлын түүх”-ийг нь хянах системтэй болгож байгаа юм.
(Эх сурвалж https://greekreporter.com)
