5G сүлжээ, Монгол Улс технологийн шинэ эрин
Өнгөрсөн долоо хоногт манай улсад 5G сүлжээг албан ёсоор асааж, технологийн шинэ эринийг эхлүүллээ.
Манай улс 2020 онд 5G технологийг нэвтрүүлэх бодлогын баримт бичиг баталсан. Энэ хүрээнд оператор компаниуд 2020 оноос эхлэн техникийн туршилт хийж, үндэсний болон олон улсын стандартад нийцсэн технологийн боломжуудыг судалжээ.
Мөн 5G технологид ашиглах радио давтамжийг олон улсын хэмжээнд 2023 онд баталгаажуулж, бодлого зохицуулалтын орчныг шат дараатайгаар бүрдүүлэн албан ёсоор нээв. 5G сүлжээ нь өндөр хурдны интернэтээр хязгаарлагдахгүй. Харилцаа холбоо, аж үйлдвэр, боловсрол, эрүүл мэнд, уул уурхай зэрэг олон салбарт хувьсал авчирна.
Хурдан, найдвартай интернэт: Манай улсын хүн амын 45 хувь нь Улаанбаатарт төвлөрсөн. Харин хөдөө хүн ам сийрэг тархсан тул 5G-гийн өндөр хурд (10Гбит/с хүртэл) бага хоцрогдол (1 миллисекунд) нь хот хөдөөгийн дижитал хуваагдлыг багасгахад тусална. Жишээ нь, Улаанбаатарт цахим үйлчилгээ, тоглоом, видео стриминг хурдан болж, хөдөөд ч өндөр хурдны интернэтэд холбогдох боломж нэмэгдэнэ.
(Эх сурвалж gogo.mn)
