Теслагийн цахилгаан автомашины нийт борлуулалтын өсөлт
Теслагийн Герман дахь борлуулалт буурч, харин EV зах зээл өсөлттэй байна. 2025 оны 9р сард АНУ-ын цахилгаан автомашин үйлдвэрлэгч Tesla (TSLA.O) Герман дахь шинэ автомашины бүртгэл 3,404 нэгж байсан нь өнгөрсөн оны мөн үеийнхээс 9.4%-иар буурсан үзүүлэлт болжээ. Харин Германд нийт цахилгаан автомашины (EV) борлуулалт 31.9%-иар өсч, 45,495 нэгж хүрсэн байна.Tesla-ийн Model Y спорт хэрэглээний автомашины шинэчилсэн хувилбар Европын зарим оронд сайн борлогдсон ч тус компани өрсөлдөөн нэмэгдэх, мөн Гүйцэтгэх захирал Илон Масктай холбоотой улс төрийн эсэргүүцэл зэрэг олон сорилттой тулгарч байна. 2025 оны 1-р сараас 9-р сарын хооронд Tesla-ийн Германд борлуулсан нийт автомашины тоо 14,845 байсан нь өмнөх оны мөн үеийнхээс 50.3%-иар буурсан дүн болжээ. Харин БНХАУ-ын цахилгаан автомашин үйлдвэрлэгч BYD 9-р сард Герман улсад 3,255 нэгж автомашин борлуулсан нь өнгөрсөн оны мөн үеийнхээс 20 дахин их байв. BYD-ийн 2025 оны нийт борлуулалт 11,810 нэгж болоод байна.
(Эх сурвалж https://jp.reuters.com)
