Такаичи Санаэ Японы эрх баригч Либерал ардчилсан намын даргаар сонгогдсоноор тэрбээр дараагийн ерөнхий сайд болох төлөвтэй болсны дараа Японы хувьцаануудын ханш түүхэн дээд үзүүлэлтэд хүрчээ. Nikkei 225 жишиг индекс өнөө өглөө дөрөв гаруй хувиар өссөнөөр түүхэндээ анх удаа 47 мянгаас дээшилсэн байна. Такаичи Санаэ дарга төсвийн зардлыг нэмэгдүүлэх, зээлийн өртгийг бууруулахыг дэмждэг гэдгээрээ алдартай бөгөөд Их Британийн Ерөнхий сайд асан төмөр хатагтай Маргарет Тэтчерийн чөлөөт зах зээлийн бодлогыг дэмжигч нэгэн юм. Хөрөнгө оруулагчид түүнийг Либерал ардчилсан намын даргын сонгуульд ялсныг таатай хүлээн авсан бөгөөд үл хөдлөх хөрөнгө, технологи, хүнд үйлдвэрийн компаниудын хувьцааны ханш өссөн байна. Харин хувьцаануудын ханш өсөж байхад иений евротой харьцах хамгийн доод түвшинд хүрчээ. Мөн ам.доллартай харьцах ханш нь 1.5 гаруй хувиар буурсан байна.Энэ сарын сүүлээр Шигэрү Ишиба одоогийн ерөнхий сайдын халааг авах нь батлагдвал тэрбээр Японы анхны эмэгтэй Ерөнхий сайд болно.
(Эх сурвалж https://montsame.mn, https://www.bbc.com/news)
