Версалийн ордны Хааны дуурийн театрын тайзнаа Францын жүжгийн зохиолч Мольерын хэв маягаар AI зохиолыг нь бичсэн жүжгийг 2026 оны тавдугаар сард нээлтээ хийх гэж байгаа бөгөөд “Одон орны зурхайч ба Худал мэргэ” гэж нэрлэсэн талаар "Agence France-Presse" (AFP) агентлаг мэдээлжээ. Уг жүжигт нэгэн зурхайч эцэг охиндоо дурлаагүй хүнтэйгээ гэрлэвэл аз жаргал, эд хөрөнгө ирнэ гэж мэргэлдэг тухай өгүүлнэ. Харин тэдний гэрийн үйлчлэгч гэрлэлтэд саад хийхийг оролдоно.Жүжгийн зохиолыг Францын “Mistral” гэдэг гарааны компанид бүтээсэн хиймэл оюуны загвар бичиж байгаа ажээ. Уг загварыг Мольер болон XVII зууны үеийн бусад зохиолчдын бүтээл дээр тулгуурлан сургасан байна. Жүжгийн хэл найруулга XVII зууны хэв маягт нийцэж байгаа эсэх, мөн үйл явдлынх нь логик дарааллыг мэргэжлийн шинжээчдийн комисс шалгах гэнэ. "Бидний зорилго бол хиймэл оюун нь хүний бүтээлч чадварыг дээшлүүлэх хэрэгсэл болох боломжтойг харуулах явдал юм" гэж Шовин онцолжээ. Тайзны чимэглэл, хувцасны загварыг гаргахын тулд хиймэл оюуныг мөн тухайн үеийн уран зураг, зургууд дээр тулгуурлан сургасан байна. Жүжгийг фарс буюу дундад зууны үеийн инээдмийн жүжгийн жанраар тавих бөгөөд долоон жүжигчин, гурван хөгжимчин оролцох ажээ.

(Эх сурвалж https://montsame.mn,https://www.opera-online.com/)