Америкийн “Apple” компани шинэчлэгдсэн M5 чип бүхий шинэ “MacBook Pro”, “iPad Pro”, “Vision Pro” загваруудаа танилцуулсан бөгөөд шинэ чипийн тусламжтайгаар өмнөх төхөөрөмжүүдээсээ илүү хурдан ажиллах боломжтой. Шинэ “MacBook Pro” зөөврийн компьютерын загваруудын үнэ 1599 ам.доллароос эхлэх бол 11 инчийн “iPad Pro”-гийн үнэ 999 ам.доллароос эхэлнэ. Харин хамгийн сүүлийн үеийн “Apple Vision Pro” нь 3499 ам.доллароос эхэлж байна. Шинэ төхөөрөмжүүдийг урьдчилан захиалах боломжтой бөгөөд 10 дугаар сарын 22-нд худалдаанд гарна. “Apple”-ийн хувьд 10-12 дугаар сар бол Зул сарын баяраар хүмүүс олноороо дэлгүүрээр үйлчлүүлдгээс намрын улиралд хамгийн их борлуулагддаг бүтээгдэхүүнүүдээ шинэчилдэг уламжлалтай. Шинэ төхөөрөмжүүд нь “Apple”-ийн M5 чипээр тоноглогдсон бөгөөд өмнөх M4 чиптэй харьцуулахад тооцооллын хамгийн дээд үзүүлэлтийг нь дөрөв дахин нэмэгдүүлсэн байна.
(Эх сурвалж montsame.mn, apple.com)
