Цагт 320 км хурдлах чадвартай, босоо хөөрөлт ба газардалт хийх боломжтой Хятадад үйлдвэрлэсэн цэвэр цахилгаан нисэх онгоц
2021 онд байгуулагдсан Хятадын “Shanghai 時的科技” (Шанхай Ши Дэ Кэжи) компани нь босоо хөөрөлт, газардалт хийх чадвартай, цагт 320 км хурдлах цэвэр цахилгаан нисэх төхөөрөмж (eVTOL)-ийн бүтээл, үйлдвэрлэл дээр ажиллаж байгаа ба одоо нисэх чадварын эцсийн шалгалтаа хийж байна. 2026 оноос арилжааны зорилгоор нислэг үйлдэх төлөвтэй байна.
Онцлох техникийн үзүүлэлтүүд нь
Босоо хөөрөлт, газардалт хийх боломжтой.
Цахилгаан хөдөлгүүртэй, жигүүртэй бүтэцтэй.
Нийт 6 ширхэг ротортой, үүнээс арын 4 нь 90 градус эргэх чадвартай.
Хөөрөх үед дээш чиглэсэн байрлалд орж босоо хөөрнө.
Нислэгийн үед урагш чиглэж, хурд болон үр ашгийг нэмэгдүүлдэг.
Хамгийн дээд хурд: цагт 320 км
Нислэгийн зай: ойролцоогоор 200 км
Зориулалт: 30–150 км богино зайн тээвэр, жуулчлал, хот хоорондын холбоо зэрэгт тохиромжтой.
Аюулгүй байдал нь
6 тусдаа мотор бүхий хөдөлгүүрийн системтэй.
Хэрвээ нэг мотор ажиллахгүй болсон ч бусад нь ажиллан нислэгийг үргэлжлүүлэх боломжтой.
Цэнэглэх систем нь
Цэнэглэх оролт нь цахилгаан автомашины (EV) стандарттай адил.
EV цэнэглэх станц ашиглан цэнэглэж болно.
20%-аас 85%-д хүрэх хүртэл ердөө 20 минут л шаардагдана.
Бүтэц, материал:
Биеийн бүтэц нь нүүрстөрөгчийн шилэн материалаар хийгдсэн.
Маш хөнгөн хэрнээ, нисэх онгоцны зориулалтын хөнгөн цагаан хайлштай дүйцэхүйц бат бөх.
(Эх сурвалж https://www.afpbb.com )
