Японы томоохон их сургуулиудын нэг орон нутгийн хэд хэдэн компанитай хамтран гамшгийн үед аврах ажиллагаанд ашиглах хамгийн сүүлийн үеийн хүн дүрст роботуудыг хамтран бүтээхээр болжээ. Энэ тухай Киодо агентлаг мэдээлэв.

Васеда их сургууль нь орон нутгийн Murata, Tmsuk, Sre Holdings компаниудтай хамтран 3 м өндөр, 300 кг жинтэй хүн дүрст робот үйлдвэрлэхээр төлөвлөж байна. Ийм роботууд 5 км/цагийн хурдтай хөдөлж, 100 кг-аас дээш жинтэй хүндийг өргөх чадвартай. Асар том хүн дүрст роботуудын гол ажил бол Японд байнга тулгардаг газар хөдлөлт болон бусад байгалийн гамшгийн дараах нурангиас ангилан ялгах явдал юм.

Роботын туршилтын загвар 2026 оны сүүлчээр бэлэн болж, 2029 оноос бөөнөөр нь үйлдвэрлэж эхлэх ажээ. Ийнхүү өмнө нь хүн дүрст Asimo роботыг үйлдвэрлэснээр тус салбарт тэргүүлж байсан байр сууриа эргүүлэн авчрахыг Японы мэргэжилтнүүд эрмэлзэж байна.

(Эх сурвалж https://yuz.uz/en/news, https://www.montsame.mn/)