OpenAI компани бүтээгдэхүүн боловсруулахад тусалдаг Statsig компанийг 1.1 тэрбум доллараар худалдаж авлаа
(Ройтерс) - Харилцан яриа үүсгэх хиймэл оюун ухааны (AI) системийг ChatGPT хөгжүүлэгч АНУ-ын OpenAI компани мягмар гарагт бүтээгдэхүүн боловсруулахад ашигладаг компаниудын функциональ туршилтын хэрэгсэл нийлүүлэгч Statsig-ийг бүх хувьцааны хэлцлээр худалдан авахаар болсноо зарлав. OpenAI-ийн одоогийн 300 тэрбум долларын аж ахуйн нэгжийн үнэлгээнд үндэслэн худалдан авах үнэ ойролцоогоор 1.1 тэрбум доллар болно.
Вижай ChatGPT болон Codex Coding Agent (автоматаар код үүсгэх хиймэл оюун ухаан)-ын бүтээгдэхүүний дизайныг хянах ба дэд бүтцийг багтаасан бүтээгдэхүүний бүх шугамыг хариуцах болно.
Үе тэнгийнхэнтэйгээ ширүүн өрсөлдөөнтэй тулгардаг OpenAI хэдхэн сарын өмнө Apple iPhone гар утасны загвар зохион бүтээдгээрээ алдартай Жони Айвын үүсгэн байгуулсан хиймэл оюун ухааны техник хангамжийн гарааны компани io Products-ийг 6.5 тэрбум доллараар худалдаж авсны дараа хиймэл оюунтай холбоотой бүтээгдэхүүнээ өргөжүүлэхээр зорьж байна.
(Эх сурвалж https://jp.reuters.com)
