АНУ‑ын OpenAI компани, Харвардын их сургуультай хамтран, “ChatGPT”-ийн хэрэглэгчийн жинхэнэ хэрэглээг судалсан дүнг 9-р сарын 15-нд танилцууллаа. Тус судалгаа нь 1.5 сая орчим чатны мэдээллийг анализ хийсэн бөгөөд ашиглагчид хэн бэ, юунд ашиглаж байна вэ, хэрэглээ хэрхэн өөрчлөгдөж байна вэ гэдэг зүйлсийг илрүүлсэн байна.

ChatGPT-ийн хэрэглэгчдэд зориулсан төлөвлөгөөний (Үнэгүй, Plus, Pro) долоо хоногийн идэвхтэй хэрэглэгчдийн тоо (WAU) нь 2022 оны 11-р сард анх нээгдсэнээс хойш 2025 оны 9-р сар хүртэлх хугацаанд дараах графикаар тасралтгүй өссөн байна.

Үйлчилгээ эхэлснээс хойш ердөө 1 жилийн дотор хэрэглэгчдийн тоо 100 саяыг давж, 2025 оны 7-р сар гэхэд 700 сая хэрэглэгч хүрсэн нь дэлхийн насанд хүрсэн хүн амын ойролцоогоор 10%-тай тэнцэж байна.

Судалгааны дүнгээс үзэхэд, ChatGPT хэрэглэгчдийн дунд эрэгтэй, эмэгтэй нэртэй хэрэглэгчдийн ялгаа багассан бөгөөд 2025 оны 7-р сарын байдлаар “эмэгтэй нэртэй” хэрэглэгчдийн хувь 52%-д хүрсэн байна.

Мөн доод болон дунд орлоготой орнууд (нэг хүнд ногдох ДНБ нь 10,000 – 40,000 ам.долларын хооронд байдаг орнууд)-д ChatGPT-ийн хэрэглээ хурдацтай нэмэгдэж, хиймэл оюун ухаан (AI)-ийн хэрэглээ зөвхөн өндөр орлоготой улс орнуудад хязгаарлагдахгүй, өргөн хүрээнд түгэн дэлгэрч байгааг харуулжээ. Энэ нь орлого болон бүс нутгийн ялгаа багасч, тэгш хүртээмж нэмэгдэж байгааг илтгэнэ.

(Эх сурвалж https://www.itmedia.co.jp/)