Trend Micro нь кибер аюулгүй байдлын шилдэг компани гэдгээ баталж эхлээд байна
Trend Micro 18-ны өдөр 2024 оны 12-р сард дуусах санхүүгийн жилийн нэгдсэн санхүүгийн тайлангаа зарлаж, өмнөх үеийнхээс 3.2 дахин их цэвэр ашиг нь 34.3 тэрбум иен болжээ. Энэ нь сүүлийн гурван жилийн эцсийн ашгийн анхны өсөлт юм. Кибер халдлага улам боловсронгуй болж сервер, бизнесийн компьютер гэх мэтийг хамгаалдаг аюулгүй байдлын нэгдсэн программ хангамжийг сайн гүйцэтгэлтэйгээр хийж чадсан.
Энэхүү компани нь кибер аюулгүй байдлын шилдэг компани гэдгээ баталж эхлээд байна. Санхүү хариуцсан захирал Махендра Неги борлуулалтын хэмжээ 10%-иар нэмэгдэж 272.6 тэрбум иен болсон нь 12 дахь жилдээ тасралтгүй өссөн үзүүлэлт юм.
Аюулгүй байдлын нэгдсэн програм хангамж нь гүйцэтгэлийн драйвер юм. Энэ нь дата өгөгдөл, клоуд, сүлжээ, оффисийн бизнес хэрэглээний компьютер, цахим шуудан, ID зэрэг терминалууд гэсэн зургаан төрөл үрүү онилдог. Энэ нь кибер халдлагаас сэргийлээд зогсохгүй ердийн бус эрсдэлийг ч илрүүлдэг.
1988 онд байгуулагдсан Trend Micro-ийн гол бүтээгдэхүүн нь вирусны эсрэг программ хангамж "Virus Buster" бөгөөд дэлхийн зах зээлд томоохон байр суурийг эзэлж чадсан. Улам боловсронгуй болж буй кибер халдлагад хариу арга хэмжээ авахын тулд тус компани 2021 оноос хойш удирдлагын нөөцөө нэгдсэн хэлбэрт шилжүүлээд байна.
Кибер халдлагын улмаас учирч байгаа хохирол их байгаа бөгөөд сүүлийн жилүүдэд халдлагын арга, зам нь олон янз болж нарийсч байна. Цахим шуудангийн хавсралтад хортой програм агуулсан халдлага, вэб сайтын сул талуудыг (алдаа) ашигладаг халдлага их байна
Global Information судалгааны фирм дэлхийн кибер аюулгүй байдлын зах зээл 2030 онд 456.3 тэрбум ам.доллар болж, 2023 оныхоос бараг хоёр дахин өснө гэж таамаглаж байна. (Эх сурвалж https://www.nikkei.com оос)
