Тоёота Мотор компани Фужи уулын бэлд Woven City нэртэй төсөл хот хэрэгжүүлж, Тоёотатай холбоотой 300 орчим хүн амьдрахаар болж байгаа гэнэ.Цаашдаа хотын талбайг 294,000 хавтгай дөрвөлжин метр болгон тэлэх төлөвлөгөөтэй бөгөөд 2000 гаруй хүн амьдрах юм байна.Woven by Toyota inc компанийн дэд ерөнхийлөгч Тоёота "Би нийтийн дэд бүтэц, тээврийн системийг холбосноор аюулгүй, тайван нийгмийг бий болгохыг хүсэж байна" гэж мэдэгджээ.
Тоёотагийн цахим сүлжээн дээр "Бид хөдөлгөөнийг дахин тодорхойлж байна. Бид хүмүүс, бараа бүтээгдэхүүн, мэдээлэл болон эрчим хүчний хөдөлгөөнийг сайжруулснаар хөдөлгөөний өнөөгийн байдлыг сорьж, өөрчилж байна. "Амьд лаборатори", "Хүн төвтэй" болон "Тасралтгүй хөгждөг хот" гэсэн гурван үндсэн үзэл баримтлал дээр төвлөрөн, Woven City нь бидний “Хүн бүрийн сайн сайхны төлөө” уриаг хэрэгжүүлэх хөдөлгөөний туршилтын талбар болж өгдөг.
Бид ирээдүйн хөдөлгөөний төлөө гэсэн нийтлэг зорилготой олон төрлийн хүмүүсийг нэгтгэж, хамтран бүтээх, хөгжүүлэх, инновацлаг бүтээгдэхүүн, үйлчилгээг сайжруулах ажлыг хийдэг. Нийгмийн дэд бүтэц, хөдөлгөөн, хүмүүсийн энэ огтлолцол нь шинэ технологийг бодит амьдралтай төстэй орчинд өдөр тутмын амьдралд турших, оршин суугчид, зочид, зохион бүтээгчид харилцан үйлчлэх онцгой боломжийг бүрдүүлдэг" гэж нийтэлсэн байна.
(Эх сурвалж https://www.woven-city.global, https://ikon.mn)
