Хятадын цахилгаан автомашин үйлдвэрлэгч "BYD" компани ихэнх загварууддаа жолоочийн туслах дэвшилтэт системийг нэмжээ. Тодруулбал, "Бурхны нүд" нэртэй жолоочийн туслах системийг 10 мянган ам.доллараар хямд үнэтэй бүх загварт ашиглах боломжтой болов. Энэ шийдвэрийн дараагаар "BYD"-ийн хувьцаа 4 хувиар өсч дээд амжилт тогтоожээ.

Тус компани нь ирэх гурван жилийн хугацаанд өндөр түвшний ухаалаг жолоодлого нь суудлын бүс, аюулгүйн дэр зэргийн нэгэн адил автомашины чухал бүрэлдэхүүн хэсэг болох болно гэжээ.

"Бурхны нүд" системийг автомашины навигацид туслах зорилгоор 2023 онд анх нэвтрүүлсэн. Гэхдээ зөвхөн 30 мянган ам.доллараас дээш үнэтэй загваруудад л санал болгож байжээ.

"BYD" өдгөө борлуулалтаараа дэлхийд зургадугаарт жагсч байна. Харин Хятадад үйлдвэрлэгдсэн нийт цахилгаан автомашины борлуулалтын 32 гаруй хувийг эзэлж байна. (Эх сурвалж news.mn)