Өмнөд Солонгосын “Samsung Electronics” компани өнөөдрийг хүртэл худалдаанд гаргасан гар утаснуудаасаа хамгийн нимгэн загвараа танилцууллаа. Хиймэл оюун ухааны дэвшилтэт функцүүдээр тоноглогдсон энэхүү загварыг өндөр үнэтэй гар утасны зах зээл дэх гол өрсөлдөгч “Apple"-аас урьтаж гаргажээ.

“S25 Edge” загвар нь өсөн нэмэгдэж буй эрэлт хэрэгцээг, ялангуяа илүү авсаархан гар утас хэрэглэхийг эрмэлздэг 20-30 насны хэрэглэгчдийн хэрэгцээг хангах зорилготой ажээ. “Хэрэглэгчдийн хүсэлт тодорхой байсан – тэд өндөр үзүүлэлтүүдтэй хэрнээ илүү нимгэхэн, авч явахад авсаархан гар утастай болохыг хүсэж байсан” гэж “Samsung” мэдэгджээ. Иймээс эд ангиудыг нимгэн болгохын тулд бүтцэд нь өөрчлөлт хийсэн байна.

“S25 Edge” тавдугаар сарын 23-наас Өмнөд Солонгост, 30-наас АНУ-д худалдаанд гарна гэж “Samsung” мэдэгдсэн бөгөөд 30 орчим улсад худалдаанд гаргахаар төлөвлөжээ.

“Counterpoint Research” судалгааны фирмийн мэдээлснээр ухаалаг утасны борлуулалтаараа дэлхийд тэргүүлжээ.

(Эх сурвалж https://montsame.mn/, https://www.androidheadlines.com/)