Хиймэл оюун ухаанд дараах хоёр замаар ус ашигладаг.

Хөргөх системүүдэд

Цахилгаан эрчим хүчийг үйлдвэрлэх явцад

НҮБ дэлхийн хүн амын тал нь цэвэр усны хүрэлцээгүй эсвэл устай ч тэр нь чанарын шаардлага хангадаггүй нөхцөлд амьдардаг гэжээ. Мөн цаг агаарын өөрчлөлт усыг анхаарлын төвд оруулав.

Цахим шуудан, дүрс бичлэг гээд интернэт дэх бүхнийг өгөгдлийн төвөөс удирддаг. Олон эгнээ бүхий, маш олон компьютер байрлуулсан эдгээр төвийн зарим нь хөл бөмбөгийн талбайтай тэнцэхүйц том.

Эндхийн хөргөх системүүдэд цэвэр ус ашигладаг бөгөөд ашигласан нийт усных нь 80 хувь ууршдаг. (Эх сурвалж https://gogo.mn/, https://w.media/)

Хиймэл оюун ухаан төвөгтэй асуултуудад хариулж, зураг, дүрс бичлэг бүтээх явцдаа илүү их эрчим хүч ашигладаг аж. Олон улсын эрчим хүчний агентлагийн таамагласнаар ChatGPT Гүүглийн хайлтаас арав дахин их цахилгаан зарцуулдаг. Ингэснээр илүү их усыг ч ашигладаг гэсэн үг юм.

OpenAI-д их хэмжээний хөрөнгө оруулсан Google, Meta болон Microsoft компанийн байгаль орчны тайланд 2020 оноос хойш усны хэмжээ өссөн гэжээ. Харин Amazon ямар ч тоо танилцуулаагүй байна. Тухайлбал, Google дата төвүүдэдээ 2024 онд 37 тэрбум литр ус ашигласан, үүний 29 тэрбум литр нь ууршсан гэжээ. Энэ нь америкийн баруун өмнөд хэсэг дэх 51 гольфын талбайг бүтэн жил услахаар ус юм.